كسكس بالخضار
المقادير
كيلو كسكس - دجاج الكمية حسب الرغبة - بصل - جزر - قرع -قرع احمر - لفت - طماطم - بطاطا - حمص -
التوابل : ملح كركم بلدي - زعفران - زعفران شعرة - سكنجبير - قرفة - ابزار - زيت
الطريقة
في طنجرة نضع الدجاج و نضيف عليه شوية ملح وملعقة كركم بلدي ،ملعقة زعفران ، شوية زعفران شعرة ،ملعقة سكنجبير ، ملعقة قرفة ،ملعقة ابزار ، شوية زيت و نخلط الدجاج بالتوابل مزيان و نتركه نصف ساعة يشرب التوابل
ملي يترقدو نضيفو عليهم 2 بصلات مشلضين ونحطوهم فوق العافية
بعد ما يتشحرو نضيف الجزر أولا
من بعد اللفت و القرعة
ناخدو زلافة دالماء نعملو فيها ملعقة صغيرة ابزار ، قرفة ، كركم، سكنجبير ، نصف ملعقة زعفران ملون ، شوية زعفران شعرة ونخلط الكل فالماء
و نصبوه على الطنجرة و نغطيوها
بعد ربع ساعة نضيف البطاطا و نعملو التفويرة ديال الكسكس الأولى
نقشر القرع الحمرة و نخليو شوية دالقشرة باش ماتفرتتشي ملي تطيب و نقشر الطماطم
من بعد ما يتفور الكسكس التفويرة الاولى نضيف القرعة الحمرة و الطماطم
نقشر تقريبا نصف كيلو بصل و نقطعوه ونعملوه فوق النار مع شوية زيت و ملح
ملي تطيح البصلة ناخد ملعقة كبيرة من المرق اللي كاتطيب فيه الخضرة و نصبوها على البصل
و نضيف الحمص
الحمص و البصل بعد ما وجد
الكسكس ندهنوه بشوية زيتو ملح و نرشوه بشوية ماء و نزيدو نبخروه 2 تبخيرات
بعد ما وجد الكسكس نضعه في صحن التقديم بهاد الشكل
نصفف الخضر حسب رغبتكي
و نضع الدجاج فالوسط
و نسقيو بالمرق ديال الخضرة
و اخيرا نعمل الحمص من لفوق ونقدموه بالصحة والراحة
إرسال تعليق